दिदी बहिनी कप खुल्ला महिला राष्ट्रिय भलिबल प्रतियोगिताको सर्वाेत्कृष्ट खेलाडी सरस्वती चौधरी

विभागीय नेपाल एपिएफ क्लबकी ओपन स्पाइकर सरस्वती चौधरी चौथो संस्करणको दिदी बहिनी कप खुल्ला महिला राष्ट्रिय भलिबल प्रतियोगिताको सर्वाेत्कृष्ट खेलाडी घोषित भएकी छन् ।

Saraswoti Chaudhary
Saraswoti Chaudhary

उनले एपिएफलाई शनिबार दिदी बहिनी कपको उपाधि दिलाउन महत्वपुर्ण भुमिका निभाएकी थिइन् । सर्वाेत्कृष्ट खेलाडी बनेसँगै सरस्वतीले १० हजार रुपैया प्राप्त गरेकी छिन् । व्यक्तिगत विधातर्फ एपिएफकी निरुता ठगुन्ना उत्कृष्ट स्पाइकर चुनिइन् ।

पुलिसकी कमाला पुन उत्कृष्ट सेटर र पुलिसकै कोपिला राना उत्कृष्ट ब्लकर घोषित भइन् । डायमन्डकी पनामिका राई उत्कृष्ट सर्भर तथा डायमन्डकै सलिना श्रेष्ठ उत्कृष्ट लिवेरो चुनिइन् । एपिएफका महेश चौधरी उत्कृष्ट प्रशिक्षक चुनिए । व्यक्तिगत विधाका सबै विजेताले जनही ५ हजार रुपैया हात पारे ।

शनिबार एपिएफले पुलिसलाई ३–१ को सेटमा पराजित गर्दै उपाधि जित्न सफल भएको थियो । शनिबारै होङ्ग्वान्जी न्यु डायमन्ड स्पोर्ट्स क्लबले त्रिभुवन आर्मी क्लबलाई ३–० को सोझो सेटमा पराजित गर्दै तेस्रो स्थान हासिल गरेको थियो । च्याम्पियन एपिएफले २ लाख रुपैया प्राप्त ग¥यो । दोस्रो भएको पुलिसले १ लाख तथा तेस्रो भएको डायमन्डले ५० हजार रुपैया हात पार्‍यो ।

गत बुधबार देखि पर्वत बेनीमा शुरु भएको प्रतियोगितामा ५ टोलीले लिग कम नकआउटका आधारमा प्रतिस्पर्धा गरेका थिए ।

सर्वाेत्कृष्ट खेलाडी

सरस्वती चौधरी (एपिएफ)

उत्कृष्ट खेलाडी

सर्भर – पनामिका राई (डायमन्ड)

सेटर – कमला पुन (पुलिस)

ब्लकर – कोपिला राना (पुलिस)

लिबेरो – सलिना श्रेष्ठ (डायमन्ड)

स्पाइकर – निरुता ठगुन्ना (एपिएफ)

प्रशिक्षक – महेश चौधरी (एपिएफ)

Suggested by Shivprakash Chauudhary

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.