थारु समुदायम परापुर्वकालसे मनैती अइलक तिहवार अँटवारीफे एकठो हो, बिशेष कर्के भेंवाक(भिम) पुजा कर्जैना यी तिहवारमे लवन्दा मनै ब्रत बैठके मनैठाँ,केउ लवन्दी मनै फे ब्रत बैठल रठाँ यी तिहवार अँटवारके दिन ब्रत बैठके मनैलक ओरसे अँटवारी कहिगैलक हो , जब भिम आगीमे रोटी दारके लदियामे गेंगता कार्हे गईल त रोटी जरेलगलिस त भिमके भैयान भट्थाले रोटी बिल्ताई भिम हे बलैला तबसम रोटि जर्गिल रहे रोटि जर्गिल कहिके आब गेंगताक चट्नी नोन नै खाब कहिके सक्कु जाने ब्रत बैठलै ऊ दिनसे हमार थारु समुदायमेफे अँटवारी तिहवार मनाइलग्लै अँटवारीक तयारी दुइ चार दिनसे आघेसे करेलग्ठाँ जस्तेकि अन्दिक चाउरक पिठा पिसैनासे लेके खंर्या बर्या बनाइकलाग धेर तयारी कर्थई अस्तिम्कि ओरैलक दोसर वा टिसर अँटवारके मना जैना यी तिहवारफे अस्तिम्की जस्ते एकदिन आघे दर खाईपरत , दर खाइकलाग पहिले तिनातावन खोज्के तयार करले रठाँ , जस्ते मच्छी, गेंगता, घोंघी, आउर घरम रहल तिनातावन खोज्के दर खैठ , अँटवारीमे ब्रत बैठल लवन्दा मनै एक दुइ दिन आघे लड़िया कुलुवम बन्सी लगाके वा पानी ओहोद्के मच्छी गेंगता मारके सामा करले रठाँ ,दर मुर्गी बोल्नासे आघे खाइक परत ,यदि दर खाइबेर मुर्गी बोल्गीलेसे दुठेरु हो जिना चलन बा , दर खैलक दोसर बिहानसे ब्रत सुरु हुइठ, अँटवारी रलक दिन ब्रत बैठुइया मनै खैनाचिज आपन हाँठसे पकाके तयार कर्थई खैना चिजमे अन्दिक रोटी,खुरमा, बरिया, जसिन चिज पकैले रठाँ , खैना चिज सक्कु पकाके लोटा लेके लादियामे लहाई जैठाँ लहाके आइबेर ओहे लादियाक पानी लोटामे लेके घरे आइ परत, घरे आके पुजा करक लाग अगरबत्ती वा सर्रिक धुप बनाके बहरिमे गोबर पानीसे सफासे लिपपोत कर्के कन्दामे सर्रिक धुप दार्के पुजा कर्थई सुरुमे ब्रत बैथल सबसे भारि मनै पुजा कर्थई तब जाके उहिसे तरक मनै पुजा करे बनत ओ फल्हार फे कर्थई , फल्हार करेबेर एक एक भाग सक्कु खैना चिज कार्ह्के तब फल्हार करे बनत फल्हार करेबेर अन्दिक रोटी, खुरमा, बरिया, हलुवा ओ फलफुलमे केरा अम्रुत खिरा फे रहट ऊ कार्हल खैना चिज दिदि बहिन्या बेतियन हे अग्रासन बनाके देहेक परत, ऊ दिन नोन दारल कौनो खैना चिज फे नै खाइक बनत ओ ओकर बिहान फे अगरबत्ती धुप सुँगाके पुजा कर्थई ओ पुजा करेबेर घरक घरक सबसे भारि मनैंसे सुरुवात हुइत ऊ दिन नोन दारल सक्कु खैना चिज खाइ बनत ओ उ दिन खैना चिज मे फे धेउर मेरके परिकार बानीले रठाँ जस्तेकि मच्छी, पकली, गुडा पंवई खरिया फुलौरी फे बनैले रठाँ खाईबेर यी सक्कु खैना कर्हके तब खाई बनत कर्हल सक्कु अपन छाई, बेटिया बहिन्या दिदि हुकन अग्रासन बनाके देहेक परत